/329/ cognoscit. Non igitur agit per finitam
potestatem. Non enim sequitur: actio finita,
ergo et potestas. Propterea quod aeternae essentiae
et potentiae continuatio superest ipsi
iam factae operae; partes tamen habet intelligibiles,
quae per intellectum adaequantur finitis
actionibus; sed aliae succedunt in infinitum.
Hoc adscripsi, quia normulli semiphilosophi
novi dixerunt supra coelum ultimum
esse creatum infinitum, quasi a Deo
infinito non possit procedere actio finita.
EXERCITATIO L
Respondet obiectis.
Ex dictis facillime dissolvuntur argumenta
pro Stoicis adducta.
Ad primum: Si Deus agit contingenter,
ergo indeterminate et, per consequens, imperfecte.
Respondeo negando consecutionem.
Deus enim non agit contingenter ita ut
pro eodem tempore possit agere et non
agere, sed tantummodo secundum diversa
tempora. Verum, secundum illa tempora,
in quibus aget et non aget, inevitabiliter
aget, quare determinatissime, ut ita dicam,
veluti Sol faciet diem et noctem in diversis
temporibus, inevitabiliter tamen, supposito
hoc ordine universi, ita et Deus: cum tali